Rider banein
Do teen ghante, apne hi ilaqe mein.
Poora din nahi mangte. Sirf lunch ka waqt, 11:30 se 2:30 tak. Baqi din aap ka apna, padhai ka ho ya kisi aur kaam ka.
Aur raaste bhi wohi jo aap pehle se jante hain. Hum aik hi market ke saare box aik chakkar mein bhejte hain, is liye poora shehar nahi ghoomna parta.
Kya milta hai
Saaf baat, koi shart nahi.
Sirf lunch ka waqt
11:30 se 2:30. Subah ki class ho ya sham ki dukan, dono ke beech ye waqt nikal aata hai. Sunday poori chhutti.
Har delivery ka apna hissa
Jitni delivery, utni kamai. Rate pehle se tay, badalta nahi. Hisaab har hafte, poora.
Apna hi ilaqa
Aik market ke saare box aik chakkar mein. Raste chhote, jaan pehchan ke, aur petrol bhi kam lagta hai.
Cash ka hisaab saaf
Har payment ki receipt aap ke phone se banti hai. Kitna liya, kitna jama karaya, sab screen par likha rehta hai. Kabhi zaban par bharosa nahi karna parta.
App net ke baghair bhi chalta hai
Market ke andar signal na aaye to bhi delivery mark ho jati hai. Signal aate hi sab khud sync ho jata hai. Aap ki mehnat zaya nahi hoti.
Aage barhne ka rasta
Jo rider nayi dukanein bhi laate hain, un ka alag hissa banta hai. Kaam achha karein to poore ilaqe ki zimmedari bhi mil sakti hai.
Hamein kya chahiye
Char baatein.
- 1
Apni bike aur licence
Bike apni ho, aur licence bana hua ho. Petrol ka hissa hum dete hain.
- 2
Waqt ki pabandi
Lunch ka matlab lunch time. Aik ghanta late khana pohancha to wo khana nahi rehta, aur dukandar agla mahina nahi leta.
- 3
Cash ki imandari
Aap dukanon se paisa lete hain. Har rupay ki receipt banti hai aur roz shaam hisaab hota hai. Ye system aap ki hifazat ke liye bhi hai, taake kabhi kisi par shak na ho.
- 4
Baat karne ka saleeqa
Aap dukandar ke saamne MEALAWO ka chehra hain. Khana acha ho aur banda acha ho, tab hi log rukte hain.
Jo sawal aksar aate hain
Pehle hi jawab de dete hain.
- Rozana kitni delivery milti hain?
- Shuru mein aik market, tqreeban 10 se 20 box. Market barhti hai to delivery bhi barhti hain. Aik hi chakkar mein saare box hote hain.
- Kya rozana aana zaroori hai?
- Monday se Saturday. Kisi din na aa sakein to aik raat pehle bata dein, hum kisi aur ko laga lenge.
- Bike nahi hai to?
- Filhal apni bike zaroori hai. Aage chal kar hum bike ka intezam bhi karna chahte hain, us waqt aap ko yaad rakhenge.
- Koi fees ya security deni parti hai?
- Bilkul nahi. Na shamil hone ki fees, na security. Agar koi aap se paisa mange to wo hamari taraf se nahi hai, hamein foran bata dein.
- Paisa kab milta hai?
- Har hafte. Kitni delivery ki, kitna bana, sab aap ke apne screen par likha rehta hai.
- Padhai ke sath ho jayega?
- Isi liye ye kaam banaya hai. Do teen ghante ka waqt hai, aur wo bhi dopahar ka. Hamare kayi rider student hain.
Darkhwast
Apni tafseel bhej dein.
Aik minute ka kaam. Hamari team do din ke andar aap se rabta karegi.